Dräffpunggt uf em Määrtplatz wäärend dr Fasnacht "light" 2022
Am Määntig und Mittwuch sin au chli unterwägs und fyr Eych wie immer uf em Määrtblatz.
Zyt: zwüsche 17:00 und 20:00
Standort: uf em Määrtplatz (be de Sunneschirm)
Wie jedes Joor hän mir eysi Tschegglischte fyr di negscht Fasnacht fyregno:
=> Süschee festnaagle [CHECK]
=> UMSETZIG fyr Waage und Goschtym [CHECK]
=> Bauplatz vorberäite [CHECK]
=> Waage fyreneh und abstaube [CHECK]
=> Sujet auf Wagen umsetzen……. ???????? Ääähhhmm
Tja, do isch d Tschegglischte leider wider äimoll is Stogge cho. Do die nägscht COVID-Wälle wider uf em Vormarsch isch, hän mir is entschiede dass mr eyse Waagebau echli anders gstalte. D Baudääg a jedem Samschtig nutze mr nid fyr d Umsetzig vom Süschee, sondern um dr Waage mit neye Iibaute/Funggzione z erwytere und au um Revisionsarbete z schmäisse.
Zue de Revisionsarbete ghöre dr Uutusch vom alte Baggofe und Kochfeld, au s Batteriefach fyr d Belüüchtig wird erwyteret. Unterem Zoggeli sind mr dra, e grossi Schublade z baue (natyrligg au wider mit Licht).
In dere Schublade finde mr Platz fyr unser Wurfmaterial, en Zoggeli Wyy und vielem meh
